Remera, KG 11 AVE Ingenzi House - +250 785 063 763 - @RasalYEmpower - @RasalYEmpower
Ikinyarwanda English Fran├žais

Kongerera urubyiruko ubushobozi,
Umugambi duhuriyeho!

IMYITEGURO Y'INTEKO RUSANGE YA MBERE Y'UMURYANGO RASAL IRAKOMEJE

RASAL
Abaskuti bakuze bahuriye ku nkombe za Muhazi biyibutsa ubuzima bwa giskuti bakuriyemo!

Uko amasaha yicuma niko dusatira ivuka ku mugaragaro ry’umuryango RASAL. Koko rero, kuri iki cyumweru tariki ya 29 Mutarama 2017, i Kigali muri Hotel Nobleza, abantu basaga 90 barerewe kandi bakurira mu muryango w’Abaskuti barishyiriraho umuryango ubahuza, umuryango bazatangiramo umusanzu wabo mu kubungabunga no gushimangira indangagaciro z’amahame y’ubuskuti no guteza imbere urubyiruko.

Ingando yabereye ku Muhazi niyo yavuyemo umwanzuro wo kurema RASALUyu muryango uvutse uvukanye amateka maremare kabone n’ubwo iryo zina RASAL rimaze igihe gito. Mu kwezi kwa kanama 2016 nibwo abaskuti bakuze bagaragaje ko ubuskuti ubuvamo kubera imyaka igukoma imbere, nyamara ubuskuti bwo ntibukuvemo kuko bugutemba mu maraso, mu myumvire no mu mikorere, haba aho utuye, haba aho ukorera kimwe n’aho ugenda, aho hose ukarangwa n’indangagaciro z’indero y’ubuskuti.

Icyo gihe Abagabo n’abagore, abasore n’inkumi basaga 40 bakoraniye ku nkombe z’ikiyaga cya Muhazi bahakora ingando y’ubusabane n’inyunguranabitekerezo, umwanzuro w’iyo ngando uba kurema umuryango uhuza Abaskuti bakuze mu Rwanda, bitoramo inyangamugayo 11 baziha inshingano zo gutegura no kwegerana ibyangombwa byose bikenewe kugira ngo haremwe umuryango ubereye ishema abanyuze mu muryango w’Abaskuti, nuko bategura amategeko shingiro n’amabwiriza ngengamikorere azashyirwaho umukono imbere ya noteri muri iyi Nteko Rusange yegereje.

Ikirangantego cy'Umuryango RASALUretse gutegura amategeko n’amabwiriza, izi ntore 11 zanateguye ibirango by’umuryango birimo logo, foulard, mu gihe impuzankano zikomeje gutegurwa. Mu ruhando rw’ikoranabuhanga, umuryango RASAL utangiranye urubuga rwa murandasi rushobora gutangarizwaho amakuru anyuranye, imbuga nkoranyambaga za Twitter na Whatsapp biwufasha koroshya itumanaho hagati y’abanyamuryango n’abawugana.

Robert MAKUTA


Byanditswe : tariki ya 28 Mutarama 2017 saa 14:43:21, ubu , : 197
Uwabitangaje : Robert Makuta

RASAL yatanze mutuelles ku baturage 205 i Musanze

RASAL yatanze mutuelles ku baturage 300 i Gikomero

Inteko Rusange ya mbere ya RASAL (Igice cya mbere)

Inteko Rusange ya mbere ya RASAL (Igice cya kabiri)

Ingando y'Abaskuti bakuze yabereye kuri Muhazi mu 2016

RASAL © 2016 - 2018
Byubatswe na Robert Makuta